Ibtido

Bismillahir Rohmanir Rohiym.

Assalomu alaykum xurmatli o'quvchi. Agar siz ushbu maqolani o'qiyotgan bo'lsangiz bilingki bu mening shaxsiy blogimdagi birinchi maqolamdir. Anchadan buyon dasturlash bo'yicha blog yuritishni niyat qilib yurgandim lekin boshlashga arzirli sabab topa olmayotgan edim. Oxirgi bir oyni ichida 5-6 ta intervyularda bo'ldim. Ushbu vaqt mobaynida Javascript-ni nazariy qismini chuqurroq o'rganishga to'g'ri keldi. Intervyular zo'r bo'ldi deya olmasamda bir qancha manfaatlar oldim o'zim uchun. Intervyuda xato javob bergan bir nechta savollarimga intervyudan so'ng izlanib javob topdim. Va o'sha yechimlarni ushbu blogda ulashishga qaror qildim.

Bundan tashqari ushbu blogda muntazam ravishda ish jarayonimda duch kelgan muammolarga yechimlar, foydali tavsiyalar, workshop-lar, tutorial darslar qo'yib borishni maqsad qildim inshaalloh. Maqolalar asosan React, Vue, Vanilla Js, UI, Accessibility mavzularida bo'lishini rejalashtirmoqdaman. Lekin keyinchalik ushbu ro'yxat kengayish ehtimoli katta.

Shuni aytib qo'ymoqchimanki, dasturlash olamidagi aksar terminlarni tarjima qilishni imkoni bo'lmagani uchun (imkoni bo'lsa ham o'zbekchada g'alati eshitilishi uchun) inglizchada qoldirib ketaveraman.

Umid qilamanki ushbu ojizona harakatim kimgadir manfaatli bo'ladi. Agar maqolalarimni kimgadir foydasi tegsa demak ushbu sahifani yaratilishidagi asosiy maqsad amalga oshgan bo'ladi. Alloh taolo ushbu say harakatlarimni o'zi manfaatli qilsin va bu sahifani mendan sadaqai joriya bo'lib qolishini nasib qilsin.